قال الفنان مصطفى قمر، في برنامج أجمد 7 الساعة 7، على رايديو نجوم إف إم، إن أغنية «بنتي» التي قدمها، كانت مشاعره حقيقية وهو يغنيها لأنه كان كأنه يغنيها لابنته «جودي».
وتابع: «كان إحساسي بيها كبير علشان حسيت إن بنتي هتمشي وتسيبني وكده، لأن البنت بتكون مرتبطة بباباها شوية أكتر».
كما حكى عن أول مشهد بينه وبين ابنه «تيّام» في فيلم «أولاد حريم كريم» الذي قدماه سويًا، وقال: «هو قال لي وقتها أنت مش عارف أنا إحساسي إيه دلوقت إني هكون بطل معاك في فيلم، وأنا حسيت ده في عينيه».
وقال خلال اللقاء إنه يحضر لأغنية بعنوان «صناعة مصرية» وهي «عن البنت المصرية ممكن تكون بنوتة أو بنت حد بيحبها هي في الآخر صناعة مصرية، وفيه أغنية (وجع الفراق) هي سلو لكن هو مش عن الوجع، وفيه أغنية (فوق القمر) وأنا مجهز شوية أغاني جاية حلوة».
كما كشف الفنان مصطفى قمر عن تحقيق حلم قديم له من خلال مشروع سينمائي جديد يحضر له، حيث قال: «فيه مشروع سينمائي بس لسه مفيش تفاصيل لكنه فيلم غنائي استعراضي بشكل مختلف، وحاليا في مرحلة اكتمال النص، وده حلم قديم جدًا عندي ولو رجعتوا لكل لقاءاتي من وأنا في العشرينيات هتلاقيني بقول إن حلمي أقدم فيلم استعراضي غنائي».
