أعلن مؤدي المهرجانات عصام صاصا استكمال جولته الفنية وحفلاته في دولة الإمارات وذلك عقب دهسه مواطنًا على الطريق الدائري.
ونشر عصام صاصا منشورًا عبر حساباته الرسمية على مواقع التواصل الاجتماعي مؤكدًا فيها استئناف نشاطه الفني وأنه يمكث في منزله منذ شهر بدون عمل وعلق قائلًا: "بسم الله الرحمن الرحيم..ربنا وحده يعلم انا بكتب الكلام دا وانا عامل ازاى و فيا ايه ..انا بقالي اكتر من شهر قاعد من غير شغل ومعنديش اي حاجه اعملها غير اني قاعد وما باليد حيله و مستني قضاء ربنا سبحانه وتعالي و محدش هيفهم او هيحس بالموضوع غيرى .. وأنا مطلعتش اتكلمت وعدت وزدت في الموضوع كتير ومحدش شافني حته بفيديو قولت اي كلمة خالص".
وتابع عصام صاصا مبررًا موقفه في استكمال نشاطه الفني وحفلاته خارج مصر قائلًا: "لكن أنا عندي شغلي و عندي عقود والتزامات لما أعملها وأخلصها يا إما هدخل في قصة تانية أنا مش قدها و شرط جزائي، أنا هنزل شغلي و هشتغل لأني مش ب ايدي أي حاجه غير إني أعمل كده، أنا عندي أمي و عندي أخويا و عندي مراتي وابني وفرقه فيها أكتر من ٣٥ شخص في رقبتي انا شاب لسه ببدء حياتي ولسه بقول يارب .. مصاريف البيت و الأقساط و الحاجات دي كلها اللي انتو متعرفوش عنها حاجه مين اللي هيدفعها انا طالع اتكلم لأن ما باليد حيله غير انكم لازم تفهموا ان كل اللي بتسمعوا مش صح الفلوس و القصور والعربيات كل ده مش صح و حال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص".
وتابع صاصا: "أنا عارف ومتأكد إن ربنا مش هيورينا الشر و مش هيوريني أي حاجة وحشة ده ابتلاء من عند ربنا سبحانه وتعالي وأنا راضي بـ كل حاجه و مش هقول غير الحمدلله على كل شئ والحمدلله و اللي ربنا كاتبهولي هشوفوا .. سوا خير او شر محتاج من كل الناس اللي بتحبني تدعيلي من قلبها بجد انا عمري ما كنت شخص مؤذي و عمري ما كنت شخص وحش مع حد .. ربنا كبير ..، وحشتوني أوي يا أحلي جمهور في الدنيا عصام صاصا".
.jpeg)
