كاتب كل حاجة بإسم أهلي ونفسي فتوح يلعب في الأهلي وكلب رامز كان ممكن يضيع مستقبلي، تصريحات مثيرة لكهرباء

أهلي رقم واحد عندي ونتيجة ده كاتب كل حاجة باسمهم

نفسي فتوح يجي يلعب في الأهلي رغم أنه زملكاوي جدًا

شديت مع مهيب عبد الهادي بسبب رامز ومكنتش عارف إنه مقلب

كنت خايف من الكلب في برنامج رامز لأنه ممكن يبطلني كورة

حل محمود كهربا لاعب النادي الأهلي، ضيفا على برنامج أسرار مع الإعلامية أميرة بدر، المذاع على قناة النهار وفيما يلي نرصد أبرز تصريحاته التي أدلى بها خلال اللقاء .

وحول مواصفات فتاة أحلامه قال كهربا: "بفكر بقالي 4 سنين نفسي اتجوز بس بدور على حد شبه والدتي محترم وكويس، وفي البيت نفسهم اتجوز واقعد معاهم، والمواصفات تكون طيبة وحنينة وتحافظ عليا وتقدر شغلي، وفيه كتير وبلدنا مليانه بنات كتير محترمين".
وأضاف : "أهلي رقم واحد عندي والدي ووالدتي واخويا واختي، هما اللي عملوا كهرب وساعدوني في حياتي، والحمد لله كنا أسرة متوسطة واهلي وفرولي كل حاجة من صغري، ونتيجة ده عامل كل حاجة باسمهم، ووالدتي بتدعي ع اللي ظلموني وعندها احساس باللي بيحصلي قبل ما يحصل، مبحسدش حد، واسعد حاجة اني اشوف حد من الفريق في حتة كويسة، ونفسي ان فتوح يجي يلعب في الأهلي رغم أنه زملكاوي جدًا، ووالدتي بترقيني دايمًا، وبقولها ربنا يخليكي ليا طول العمر وميحرمنيش قبل كل ماتش وبعده".

https://fb.watch/r0fcM3rY6h/

وفيما يتعلق بغضبه من رامز جلال قال : "شديت انا ومهيب عبد الهادي عشان حوار رامز، وكان الموضوع تقيل عليا وانا معرفش ان فيه مقلب، وكنت رايح البرنامج انه عادي وانا منبه، واتخبط في أيدي، فالاول كنت متضايق وبعدين قلت الحلقة مش عجباني أنه يحصل فيها كده".

وأضاف كهربا خلال استضافته ببرنامج "أسرار" مع الإعلامية أميرة بدر المذاع على قناة النهار: "مفيش حد يعرف يهيني، ورامز اخويا وحبيبي، ورفضت اقفل الحلقة عشان مكنتش شايف قدامي، وانا ساعتها مكنتش حاسس لاني بخاف من الكلاب جدًا، بسبب انهم ممكن بيطلوني لعب كورة، ولو رامز كان نزلي كنت هاخد حقي منه، واتكلمنا بعدها وصالحني، وكل مرة ببقى رايح مببقاش عارف انه فيه مقلب، رايح على اساس انه برنامج له علاقة بالكورة، وأنا غضبان بيبقى لساني أعمى وايديا كمان".

https://fb.watch/r0f_nM0pNx/

كهربا: مدحت شلبي زودها أوي ومتربص ليا لحد دلوقتي

علق لاعب النادي الأهلي محمود كهربا على أزمته مع الاعلاميين الرياضيين قائلًا: "الإعلام بيبنوا برامجهم باسمي و بيجيبوا ناس مالهاش لازمه عشان يبقوا تريند، وانا مزاجنجي ومدحت شلبي لو حصل ايه عمري ما اطلع معاه، وبيجيب سيرتي بأي حاجة وحشة عشان رفضت اروحله برنامج من 3 سنين".

وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "اي حد بيجيب سيرتي بحاجة وحشة بيبقى فيه موقف بيني وبينه قبلها، لكن مدحت شلبي متربص ليا لحد دلوقتي، وعندي طبع ان مهما حد بيقول حاجة ف ضهري كأنه مش موجود ومبشوفش الناس دي، ومبحبش الكلام احب الأفعال بس".

https://fb.watch/r0h6e2W02H/

محمود كهربا: مبغلطش عشان اي حاجة بعملها بإذن الخطيب

عبر لاعب النادي الأهلي محمود كهربا عن حبه للكابتن محمود الخطيب، قائلًا: "كابتن محمود الخطيب هو الأب الروحي، ودايما بتعلم منه وهو اكتر حد ساندني بخبرته وغير من شخصية كهربا، وقالي لازم تبقى اهدى من كده وبيقعد معايا ويعلمني بخبرته، مبغلطش عشان اي حاجة بعملها باذن الخطيب، ومكلمنيش على حلقة رامز، وميعرفش مشكلتي مع مدحت شلبي، وبيقولى عايزك تساعد الفرقة والفرقة تساعدك مش تلبس تيشرت الاهلي وخلاص".

وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "أجلت فرح اختى 4 شهور، لأني كان نفسي اكون معاها وحددت اليوم من غير ما اعرف اننا مسافرين، و استأذنت من المدير الفني، ومفيش مشاكل بيني بين حد في الجهاز الفني، وعندنا اللاعيب لو بيلعب البدلاء بتوعه هما أكبر داعم له، وفرح اختي معملش شرخ بيني وبين كولر".

https://fb.watch/r0hDaxMdIf/