اللواء طلعت منصور السكرتير العام لمحافظة الغربية

الخميس 01 مارس 2018

نشهد بإدارتك وأسلوبك في الإدارة ناجح بس في ملفات كثيرة قوي محتاج حسم ومشرط جراح ماهر ،  منها علي سبيل المثال لا الحصر التعديات علي الأراضي الزراعية والتي تحدت رؤساء الوحدات المحلية ومديري الجمعيات الزراعية ، محتاجين زيارة من حضرتك للقرى ومتروحش بعيد عدي علي مركز طنطا قريب قوي من مكتبك ،  مش هنقول بسيون ولا المحلة ولا كفر الزيات ، التعديات علنية والطرق الرئيسية مليئة ، والناس عرفت السكة كويس تظبيط رئيس الوحدة ومسئول الزراعة ومعتقدين أن أخرتها محضر ، مفيش إزالة في المهد وفيه تواطؤ رهيب حتي تم القضاء علي الرقعة الزراعية بالكامل ولا تري عينيك إلي خرسانات معمارية شكلها غبي ، لابد من وقفة حاسمة للحفاظ علي ما تبقي من الأراضي الزراعية بالغربية أولا ، وقرارات رادعة لكل من تخاذل من المسئولين ، وعلي فكرة فيه رؤساء وحدات محلية وأقسام هندسية بقوا أثرياء وركبوا سيارات فارهة ويملكون أرصدة في البنوك من القصة دي لأن فيها بزنس حلو قوي.